हजरत मुहम्मद यांची रमजान पूर्वतयारी
इस्लामचे प्रेषित हजरत मुहम्मद (स.) रमजान महिन्याच्या आगमनाचे स्वागत दोन महिन्याच्या आधीपासून करायचे. रजब आणि शअबान हे ते दोन महिने होत. रमजानचा महिना आला की पैगंबरसाहेब उपवास करायला सुरुवात करायचे. जास्तीत जास्त कुरआन पठण, जप, अधिक नमाज पढ़ायचे. पैगंबर साहेबांचे अनुकरण त्यांचे सोबती (सिहाबी) हमखास करायचे. यामुळे रमजानच्या आगमनाचे आणि त्याच्या स्वागताचे एक उत्साही व आनंदी वातावरण तयार व्हायचे.
पैगंबर साहेब अत्यंत दयाळू होते. मानवहितामुळे ते या दोन महिन्यात अधूनमधून उपवास करण्याचे टाळायचे कारण त्यांचे कथन आणि कृत्यच नंतर शरीअतमध्ये म्हणजेच मुस्लिम कायद्यामध्ये परिवर्तित होणार होते. लोकांना असे वाटू नये की रजब आणि शअबानचे दोन महिने सुद्धा उपवासाचे महिने आहेत. पैगंबरांचे हे कार्य तंतोतंत पाळणारी माणसे आजही मुस्लिम समाजात आहेत. ईश्वरांचे त्यांना सतत तीन महिने उपवास राखण्याची क्षमता प्रदान केली आहे. हे लोक केवळ उपवासच नव्हे तर बाकीच्या सर्व उपासना अत्यंत उत्साहात करतात. त्यांची ही श्रद्धा, उपासना, दृढविश्वास फक्त त्यांच्याकरिताच नव्हे तर संपूर्ण मानवजाती व सृष्टीकरिता एक उपहार आहे, एक अनमोल भेट आहे.
कोणत्याही टिप्पण्‍या नाहीत:
टिप्पणी पोस्ट करा