जग फुलांचं
फुलं रोज उमलतात ।
सर्वांना आनंदी करतात ।
पाणी देणारे हात गंधाळतात ।
मना हर्षाची देणगी देतात ।
फुले अंधारात फुलतात ।
अन् पहाटवाऱ्यात झुलतात ।
फुलं आभाळगाण्यात रंगतात ।
हरितपर्णानां हर्षटाळी देतात ।
फुलं आपल्याच गंधात रमतात ।
आपल्याच छंदात झंकारतात ।
फुलं वाऱ्याचे श्वास मंतरतात ।
प्रेमिकांना पाहून पानात दडतात।
फुलं स्वतः प्रसन्न हसतात ।
बघणाऱ्यालाही प्रसन्न करतात ।
फुलं केसांना सौंदर्यदान देतात ।
फुलं मातीशी इमान राखतात ।
फुलं स्वप्नांची आशा टिकवतात।
आयुष्य कसं जगावं शिकवतात।
कोणत्याही टिप्पण्या नाहीत:
टिप्पणी पोस्ट करा