जीवन - मराठी कविता

 

जीवन

कवयित्री: डॉ. ज्युबेदा तांबोळी

फोटो साभार: pixabay.com

जीवन म्हणजे जगणं
छे। सर्वस्वाचं हरणं
क्षणाक्षणानं प्रगती करणं
यालाच म्हणतात जगणं
कांंहीतरी शोधणं
कुठेतरी हरवणं
थोडंतरी मिळवणं
मागत मागत घेत जाणं
न मागता देत जाणं
जीवन म्हणजे धावणं
धावताना ठेचकाळणं
ठेचकाळून सावरणं
नि ताठ उभं रहाणं
जीवन म्हणजे डुंबून जाणं
डुंबण्यातला आनंद मिळवणं
पण नाही केंव्हाही कधीही बुडणं
गळ्यापर्यंत येण्याआधी किनारा गाठणं