'ती कळी'
लेखिका: ज्युबेदा तांबोळी
फोटो साभार: https://wallpapersafari.com
खळाळणारं, मध्येच रोखलेलं
दुसऱ्या बाजूनं उसळणारं
भरपूर पाणी होतं ।
पण ते पुलाखाली
रणरणतं ऊन झेलत
ती बिचारी केविलवाणी
एकटीच पडली होती
तिला उमलण्याआधीच
कुणीतरी खुडलं होतं
सोनेरी स्वप्ने उराशी बाळगून
तिनं जन्म घेतला खरा
पण उमलून ईश्वराच्या
माथ्यावर बसण्याचं भाग्य
नव्हतेच तिच्या नशिबी
कुणीतरी खुडलं होतं
कुठल्या कुठं टाकलं होतं
तिला आशा होती
कुणीतरी येईल
अलगद मजला उचलून घेईल
विनाश टळेल सार्थक होईल...
