करु या कोरोनाचा बिमोड - मराठी कविता

               कोरोनाच्या भितीने घाबरलेल्या सख्याला त्याची सखी नाना परीने त्याला समजावत आहे. भिऊ नकोस सख्या, काहीतरी कर असं भिऊन कसं चालेल मनातलं बोलून टाक, मला सांग मोकळा हो. नियम पाळून आपण जोडीने कोरोनाचा सामना करू शकतो. हे ती पटवून सांगत आहे या छान कवितेतून

" करु या कोरोनाचा बिमोड "

लेखिका: डॉ. ज्युबेदा तांबोळी

बोल सख्या बोल, मनातलं बोल

आहे जीवन आपले, फारच अनमोल।

सांग सख्या सांग, साठवलेलं सांग

दोघे मिळून फेडू या, सर्वांचे पांग।

काढ सख्या काढ, सुरेख चित्र काढ

सुख समाधानात, करू या वाढ।

पळ सख्या पळ, जोरात पळ

 मिळेल त्यामुळे, सर्वानाच बळ।

बस सख्या बस, आरामात बस

मीच ओळखते तुझी, दुखरी नस।

चाल सख्या चाल, भरभर तू चाल

नको करू या, कुणाचेच हाल।

झोप सख्या झोप, निवांतपणे झोप

दोघे विणू या, संसाराचा गोफ।

वाच सख्या वाच, लक्षपूर्वक वाच 

जोडीने सोसू या, कोरोनाचा जाच।

वापर सख्या वापर, मास्क तू वापर 

कोरोनाच्या माथ्यावर फोडू या खापर।

सोड सख्या सोड, भिती तू सोड

नियम पाळून करू या, कोरोनाचा बिमोड।