जाहिरात गोळीची
लेखिका: डॉ. ज्युबेदा तांबोळी
हवी का तुम्हा ही गोळी
गोळी एक पण उपचार अनेक
वैध्यक शास्त्राची कमाल
औषध विक्रेत्यांची धमाल
सोनेरी पँकिंगचा माल
करणार नाही तुमचे हाल
लोकल टँक्स् नाही जाचक
किंमत आहे फारच माफक
पण आहे शक्ती वर्धक
खात्री लायक चिंतानाशक
मिळेल तुम्हा समाधान
सुखाची न पडेल वाण
मिळेल तुम्हा सदा मान
कुळाची वाढेल शान
पण अट असे एकची
जेवल्यावरच घ्यायची
तिला नाही चोखायची
एकदम गिळून टाकायची
अहो ही तर गोळी
'दुःखाची व अपमानाची'
