आषाढी वारी अभंग
फोटो सभार : गूगल
पंढरी हे गांव। चंद्रभागा काठी ।
विठू राही पाठी। सकलांच्या।
दर्शनाची ओढ। सदा अंतरात।
सुखवी मनात। सर्वकाळ।
पाऊले चालती। पंढरीची वाट।
भक्ती मनी भरे। काठोकाठ।
नाही भेदभाव। मनी राग द्वेष।
वारीत माऊली। सर्वजण ।
पावसाची तमा। ना गर्दीची भिती।
आम्ही वारकरी। पिढीजात।
हरीनाम ओठी। नामाचा गजर।
ह्रदयात भक्ती। भरलेली।
दर्शन देईल। पांडुरंग आम्हा।
भक्तीचा खजिना। अंतरात।
कोणत्याही टिप्पण्या नाहीत:
टिप्पणी पोस्ट करा