दिवाळीचा बाजार
कवयित्री: डॉ. ज्युबेदा तांबोळी
फोटो साभार: गूगल
चल चल कमला, पारू
दिवळीचा बाजार करू ।
प्रथम घेऊ गोडे तेल
राहिले पैसे तर पाहू सेल ।
डाळीचा तर भडकलाय भाव
नकोच काढू या लाडूचं नाव ।
घेऊ या आपण मैदा नि रवा
बंड्याला घेऊ सदरा नवा ।
अंगणात घालू सडा रांगोळी
आनंदाने करू पहाटे आंघोळी ।
करू या थोडी शेव चकली
सोनूला आणू पैंजण नकली ।
खाऊ फक्त चिवडा मस्त
वाटेल दिवाळी स्वस्तात स्वस्त ।
कोणत्याही टिप्पण्या नाहीत:
टिप्पणी पोस्ट करा