तूच सांग देवा....
लेखिका: डॉ. ज्युबेदा तांबोळी
 |
तू तर देवा कुलूपात, मुक्त कधी होणार
भक्त बसले घरात, गाऱ्हाणी कधी ऐकणार?
कोरोनाव्हायरस ची ऐकताच वाणी
कामगार निघाले स्वगृही अनवाणी
गरिबांची दशा झाली केविलवाणी
सगळ्यांच्या डोळ्यात दुःखाचे पाणी
तूच सांग देवा सरकार अशावेळी काय काय करणार ||१||
डॉक्टर नर्सेस ना चोवीस तास कामाला लावलेस
बायका पोरं सोडून पोलिसांना रस्त्यावर डांबलेस
दानशूरांना दान करण्यास प्रवृत्त केलंस
समाजसेवकांना सेवा देण्याचे काम लावलंस
तूच सांग देवा या आस्मानी संकटाला कोण कसे पुरणार ||२||
लाखोने पगार घेणाऱ्यांनी वर्क फ्रॉम होम केले
सफाई वाले भाजीवाले मात्र रस्त्यावर फिरू लागले
सुट्टीचा आनंद लहान थोर घेऊ लागले
गृहिणींचे काम मात्र दररोज वाढू लागले
तूच सांग देवा हे भयंकर संकट कधी टळणार ||३||
चीनच्या कुरापतीनी जवान शहीद झाले
चक्रीवादळाने संसार उध्वस्त झाले
पेट्रोल डिझेल चे भाव आकाशाला भिडले
महागाईने आता डोके वर काढले
तूच सांग देवा सामान्य माणसं आता कशी जगणार ||४||
खरंच खूप सुंदर आहे
उत्तर द्याहटवा