रोजचे वर्तमानपत्र उघडावं तर कोरोनाच्या वाढत्या प्रमाणाच्या छातीत धस्स करणाऱ्या बातम्या व त्याबरोबरच प्रत्यक्ष आत्महत्येच्या बातम्या विचार करायला लावणाऱ्या आहेत. सुशांतसिंह राजपूत या बॉलिवूड अभिनेत्त्याने आत्महत्या केली म्हणून एका युवतीनेही आत्महत्या केल्याचे ऐकले. कोरोना लॉकडाउन मुळे ऑनलाइन लेक्चर साठी मोबाईल फोन दिला नाही म्हणून आत्महत्या, अशा रोजच्या वर्तमानपत्रात किमान सहा सात बातम्या आत्महत्येच्या असतातच. तर अशा प्रसंगी आत्महत्येपासून परावृत्त करण्यासाठी विचार करायला लावणारी सुचलेली ही छानशी कविता
"का करतोस आत्महत्या वेड्या मुला?"
लेखिका: डॉ. ज्युबेदा तांबोळी
का करतोस आत्महत्या वेड्या मुला
देवाने दिलय किती सुंदर जीवन तुला
अनंत कळा सोसून जन्म दिला मातेने
अपार कष्टाने वाढवले तुला पित्याने
त्यांचे ऋण जराही न फेडताच
मरण्याचा अधिकार तुला कुणी दिला ?||१||
भावाने केले खूप लाड तुझे
बहिणीने राखीने सजवले मनगट तुझे
त्यांचे रक्षण जराही न करताच
मरण्याचा अधिकार तुला कुणी दिला ?||२||
भरपूर शिक, पदवी मिळवून साहेब हो
गाडी घे, बंगला बांध, श्रीमंत हो
पण त्याचा जराही उपभोग न घेता
मरण्याचा अधिकार तुला कुणी दिला ?||३||
पुष्कळ से जिवाभावाचे मित्र ठेव राखून
त्यांच्याशी खुशाल मनातले टाक बोलून
मनातले दुःख मनातच साठवून
मरण्याचा अधिकार तुला कुणी दिला ?||४||
जीवनात यश-अपयश येतच राहणार
यशाने हुरळू नका, अपयशाने खचू नका
जिद्दीच्या जोरावर यश मिळवायचे सोडून
मरण्याचा अधिकार तुला कुणी दिला ?||५||
वरील कविता युट्युबवर पाहण्यासाठी लिंक 👆
कोणत्याही टिप्पण्या नाहीत:
टिप्पणी पोस्ट करा