पवित्र कुरआन : मानवाचे प्रेरणास्थान
कुरआन मानवांना पुरेपूर मार्गदर्शन करणारा, सत्य व असत्य वेगवेगळे करून दाखविणारा ग्रंथ आहे. (अल्कबरा-२:१८५) कुरआन हा ग्रंथ संबंध जगवासीयांसाठी सार्वत्रिक आदेश आहे. (अलअनआम ६:९०) जे लोक सत्याच्या शोधासाठी आणि मानसिक व आत्मिक शांतीसाठी सतत हैराण होत असतात, पवित्र कुरआन त्यांच्या शोध प्रवासाचे अंतिम चरण आहे. वाचकांने विश्वास व श्रध्दाभावाने त्याचे अध्ययन केले पाहिजे, कारण कुरआन ही अल्लाहची पवित्र वाणी आहे. अत्यंत कल्याणकारी व समृध्दी प्रदान करणारा ग्रंथ आहे. तसेच पूर्वीच्या ईशग्रंथातील सत्यताही प्रमाणित करणारा ग्रंथ आहे (अल्अनआम ६:९२)
मानवाला अनेक रोगांचा संसर्ग होणे शक्य आहे. शारिरीक रोगांपेक्षा मानसिक, नैतिक आणि आत्मिक आजार अधिक धोकादायक असतात. मनःस्थिती तसेच मन:शांती व मन:शक्तीचे पवित्र कुरआन प्रेरणास्थान आहे. 'कुरआन मनाला बळकटी देणारा, सत्यज्ञान प्रदान करणारा आणि श्रध्दावंतासाठी उपदेश देणारा ग्रंथ आहे' (हूद ११-१२०) या संदर्भातच म्हटले जात आहे. 'श्रध्दावंतासाठी रोगनिवारक आणि कृपा आहे. (बनीइस्त्राईल १७:८२) कुरआन अरबी भाषेत उतरला आहे. त्यात लोकांना वक्र चालीपासून दूर ठेवण्यासाठी व त्यांना शुध्दीवर आणण्यासाठी विविध प्रकारे आदेश देण्यात आले आहेत.
कोणत्याही टिप्पण्‍या नाहीत:
टिप्पणी पोस्ट करा