रमजान: मुलांवर संस्कार करण्याची संधी
फोटो साभार: गूगल
मुस्लिम कुटूंबव्यवस्थेवर इस्लामी शरिअतची पकड मजबूत आहे. मुलांनी केलेल्या लहान-मोठ्या गुन्हांबद्दल आईवडिलांना शिक्षा दिली जात नाही. मात्र त्यांना जबाबदार मानण्यात येते. कारण त्यांनी मुले लहान असताना त्यांच्यावर चांगले संस्कार केले नाहीत. मुस्लिम कुटूंबात एकमेकांना खूप आदराने वागणूक देण्याची प्रथा आहे. मुलांसमोर आई-वडिलांनी कसे वागावे व मुलांकडून कशा वागणुकीची अपेक्षा करावी याची अनेक उदाहरणे प्रेषितसाहेबांच्या व त्यांच्या सोबत्यांच्या जीवनातून पहावयास मिळतात. मुलाने वडीलधाऱ्यासमोर असभ्य वर्तन केले तर त्याला शिक्षा द्यावी. आई-वडिलांनीसुध्दा मुलांसमोर असभ्य वर्तन करु नये. पती-पत्नीचे भांडण मुलांच्या मानसिकतेवर खूप वाईट परिणाम करते. आपल्या नातेवाईकाबद्दल आपल्या मुलांसमोर नेहमी चांगले उद्गार काढावेत. जेणेकरून मुलांना आपल्या परिवाराबद्दल आदर वाटेल. मुलांना उत्तम संस्कार देणे ही सुध्दा एक उपासना आहे.
इस्लामी आचार संहितेनुसार मुलांनी आईवडिलांसमोर मोठ्या आवाजात बोलण्यास देखील मनाई आहे. ज्या पालकांनी आपल्या अपत्यांचे आणि विशेषतः मुलींचे उत्तमरित्या पालनपोषण केले, त्याला मरणोत्तर स्वर्गप्राप्ती निश्चित आहे. आयुष्यात आपल्या मुलांना चांगले प्रशिक्षण देण्याच्या अनेक संधी येतात. त्यात रमजान महिनादेखील आहे. या महिन्यात प्रशिक्षणाचे काम सत्तर पटीने सोपे जाते. याचा लाभ पालकांनी जरूर घ्यावा.
छान शब्दांकन.... शुभेच्छा
उत्तर द्याहटवा