इस्लाम मधील वचनबध्दता
फोटो साभार: गूगल
इस्लामी शरीअतमध्ये वचन आणि करार या बाबींना खूप महत्व आहे. पवित्र कुरआनमध्ये कराराचे पालन आणि वचनबध्दतेच्या संदर्भात अनेक आदेश अवतरविण्यात आले आहेत. वचन काय आहे व ते कसे राखावे हे पैगंबर साहेबांनी आपल्या दैनंदिन जीवनातून सिध्द करून दाखविले आहे. प्रेषित पैगंबरसाहेब वचन, तह आणि करार यांचा कधीही भंग करत नसत. ते इतरांनाही वचनबध्द राहण्याचे धडे देत होते.
पैगंबर साहेबांना प्रेषितत्व प्राप्तीपूर्वी एकदा असे घडले की, अब्दुल्लाह बिन अबिलहसमाने हजरत मुहम्मद (स.) कडून एक वस्तू खरेदी केली; परंतु त्यांच्यापाशी वस्तूच्या किमतीएवढी रक्कम नव्हती. उरलेल्या रकमेबद्दल अब्दुल्लाह म्हणाले की, "आपण येथेच थांबा, मी घरी जाऊन उरलेली रक्कम घेऊन येतो". घरी जाऊन त्यांना विसर पडला आणि तीन दिवसानंतर त्यांना त्या गोष्टीची आठवण झाली. ते प्रेषित साहेबांना शोधत बाहेर आले. त्यांनी पाहिले की, प्रेषितसाहेब होते त्याच ठिकाणी त्यांची वाट पहात बसले आहेत. कारण त्यांनी अब्दुल्लाहला वचन दिले होते की मी वाट पहातो तू येईपर्यंत. त्यांना पाहून प्रेषितसाहेब म्हणाले, 'हे युवा! तू मला फार मोठ्या परिश्रमात गुतविलेस! मी येथे तीन दिवसापासून तुझी वाट पाहतोय'
यावरून आपणास कल्पना येईल की वचनबध्दता कशी असते.
कोणत्याही टिप्पण्‍या नाहीत:
टिप्पणी पोस्ट करा