झिरो बल्ब
लेखिका: डॉ. ज्युबेदा तांबोळी
मुलांनी खूप शिकावं
उतुंग यश मिळवावं
स्पर्धेच्या युगात टिकावं
सुख त्याला भरभरून लाभावं
असं समस्त पालकांना वाटतं
ते वाटणं स्वाभाविक असतं
पालकांंनो त्याला नामांकित शाळेत घाला
स्पेशल ट्युशन लावा
अभ्यास चांगला होण्यास्तव
खास करा
पण आणू नका दबाव
जरी दिसला प्रगतीचा अभाव
पाल्याची क्षमता वेळीच ओळखा
घालू नका त्याला तुलनेचा विळखा
नसेल हँलोजन तो हजार वँटचा
सबंध चौक उजळून टाकणारा
पालकहो ज्या पाखराला मायेचे पंख देता
त्या पंखांची क्षमता नाही येत ओळखता
येऊ दे पंखात बळ
घेऊ दे भरारी बाळ
करू नका त्या पंखाना रक्तबंबाळ
करतील असा विचार सर्वच पालक
पाहतील सद्रुढ व सुसंस्कृत बालक
असा विचार केला असता सर्वच पालकांनी
तर जीवनयात्रा संपवली नसती कित्येक बालकांनी।
खूप छान आणि मार्मिक कविता.
उत्तर द्याहटवा