एक अविस्मरणीय फॅमिली ट्रीप - विशेष आढावा गणपतीपुळे सहलीचा

एक अविस्मरणीय फॅमिली ट्रीप - विशेष आढावा गणपतीपुळे सहलीचा

✍️ डॉ. ज्युबेदा तांबोळी

ठिकाण: गणपतीपुळे

       ७५ वर्षाच्या आजोबांपासून एक वर्षाच्या नातवंडापर्यंत समावेश असलेली रत्नागिरी गणपतीपुळे ट्रीप सर्वांच्या जीवनातील एक अविस्मरणीय ट्रीप ठरली.

या ट्रीपमधील ठळक बाबी:

        सुरूवातीला नाही नाही म्हणत असलेल्या व्यक्ती फुल्ल तयारीनिशी ट्रीपमध्ये सामील झाल्या व त्यांनी अगदी मनापासून ट्रीपचा आनंद घेतला.

       सर्वांना मायेच्या धाग्यानी घट्ट बांधून ठेवणाऱ्या आपल्या लाडक्या 'बू' ला विशाल समुद्र डोळे भरुन बघता आला. न्यू जनरेशन कपल्सनी फॅमिली ट्रीपमध्ये सुद्धा मनमुराद आनंद लुटला. साठ वर्षावरील व्यक्तीनी तो आनंद डोळे भरून पाहिला. एकल सभासदांनी मनातल्या मनात पुढील प्लॅन तयार केला. साखरपा येथील महात्मा गांधी विद्यालयाच्या प्रांगणातील सहभोजन म्हणजे जरा कमी सर्वांच्या डोहाळे जेवणाचाच कार्यक्रम ठरला.

       खरा अभिमान वाटला आमच्या खऱ्या वारसदारांचा. सर्वांना घोड्यावर बसवून इतकी सुंदर ट्रीप घडवून आणल्याचा. आमची न्यू जनरेशन इतकी समंजस, सर्वांच्या बद्दल नितांत आदर असलेली, सर्वांची काळजी घेणारी, मित्रपरिवार जपणारी आहे हे पाहून समाधान वाटले.

       लक्झरी मध्ये धमाल गाण्यांनी कमाल केली. लहान मुलांपासून आजीआजोबा पर्यंत सर्वांनी डान्सचा आनंद लुटला. विशेष म्हणजे बैठकीच्या डान्सचा एक नवा प्रकार शोधून काढला. झिंगाट, खंडेराया, शांताबाई, गाडीवर, इ. गाण्यावर बसून डान्स ........।

       ट्रिपमध्ये डिग्रजच्या बडेभाईंची स्मरणशक्ती, बोलण्यातील ठामपणा, आरोग्याचे सर्व नियम पाळण्याची सवय सर्वांनी अनुकरण करण्यासारखी आहे. कुणाचे गायनप्रेम, कुणाचे डान्सप्रेम, कुणाचे सेल्फी व फोटोप्रेम, कुणाचे पाण्यात पहुडणेप्रेम, कुणाचे कलाकुसरप्रेम, कुणाचे ड्रायव्हिंगप्रेम, कुणाचे हास्यप्रेम सगळंच अप्रतिम....।

अशी झाली सहल मजेशीर।

पुन्हा जाण्याची लागली हुरहुर।

 

To

डॉ. थोरात फॅमिली, गणपतीपुळे 

        डॉक्टर, तुम्ही आमच्या परिवाराला दिलेल्या स्नेहपूर्ण ट्रिटमेंटने आम्ही खरंच खूप भारावून गेलो. बागणीसारख्या ग्रामीण भागात जन्म घेऊन इतक्या लांब गणपतीपुळे सारख्या पर्यटनस्थळी इतकं सुंदर विश्व तुम्ही निर्माण केले आहे आणि इतकं करून सुद्धा तुमच्यामध्ये गर्वाचा लवलेशही आम्हाला दिसला नाही. जीवनात अनेक व्यक्ती सतत भेटत असतात पण कांही थोड्याच व्यक्ती भेटल्याक्षणीच आपल्या होऊन जातात त्यापैकी तुम्ही आहात. आजकाल चहा द्यावा लागेल म्हणून तोंड फिरवून सोईस्करपणे दुर्लक्ष करणारे कांही नातेवाईक आम्ही अनुभवले आहेत, या पार्श्वभूमीवर वीस बावीस व्यक्तिंची राहण्याची सोय करून त्यांचा पाहुणचार करणाऱ्या तुमच्यासारख्या व्यक्ती म्हणजे मनुष्यरूपात  वावरणाऱ्या देवताच म्हणणे योग्य ठरेल.

      पेशंटना सुयोग्य ट्रिटमेंट देऊन हजारोंनी बील वसूल करणाऱ्या डॉक्टरसाहेबांना पेशंटशी चार दिलासादायक शब्द बोलण्यासाठी अजिबात वेळ नसतो. नातेवाईकांना धीर देणे असभ्य वाटते. या कुठल्याच प्रकारात न बसणारे तुम्ही पेशंटच्या शरीराची व मनाची नस ओळखणारे डॉक्टर आहात असे आम्हाला अगदी मनापासून वाटले.

तुमची अशीच भरभराट होवो, सुयश लाभो अशी ईश्वर चरणी प्रार्थना.....। तुमचे आभार न मानता तुमच्या ऋणात राहणे आमच्या परिवाराला आवडेल.

आपले स्नेहांकित,

तांबोळी, शिकलगार व पटवेगार परिवार।